طريقة عمل الكوارع وفته الكوارع المصرية وعمل الممبار بالصور

**نورا خالد** الأحد يوليو 14, 2013 10:56 pm

طريقة عمل الكوارع وفته الكوارع المصرية بالصور

يتم غسل الكوارع بدقيق وملح للاحتياط
بعض التوابل التالية
2عود قرفة(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفة
بصله مقطعه أربعه

الطريقة

نضع الحلة على نار بداخلها ماء لحد الغليان وبعدين نضيف الكوارع اوالمقادم مع كل التوابل السابقة

تترك على النار حوالي من ساعتين إلى ثلاثة ساعات حسب الحجم

تعالو نجهز الفته

نحمص العيش البلدي المقطع مع ملعقة سمنه بلدي و2 فص ثوم مهروس تتحمص إما على النار أو في الفرن

وبعدين نسخن الطاسه ونضع فيها ملعقة سمنه وبعدين الثوم مع رشه خفيفة كسبره ناعمة

حتى يحمر الثوم وبعدين نضيف 2 ملعقة خل وبعده كده نضيف الطماطم المعصورة حوالي حبتين حتى تتسبك
ناخد 2 ملعقة من الصلصه نضفها على العيش المحمص ونقلبها وبعدين نضيف شوربه الكوااااارع

نغطيها ونتركها جانبا لمده بسيطة حتى يتشرب العيش من الشربة
ونغطى طبق الفته بالأرز الأبيض
وباقي الصلصه مع شويه شوربه(كبشه فقط)نغليها مع بعض ونضفها فوق الأرز

الكوارع طبعا استوت كويس علشان تكون لذيذه نطلعها من الشوربه ونصفيها وبعدين نحمرها
في 2 ملعقة سمنه بلدي

وده شكلها النهائى يا رب تعجبكم

دلوقتى هنعمل الممبار او الفوراغ أو الامعاء

بعد الغسيل والكحت والنقع في الملح والخل

الحشوه تختلف من شخص لأخر أنا أحب لما تكون الممبار ضانى أن يدخل في الحشو لحمه مفرومه وقليل من الطماطم المقطعة مكعبات
إنما في الممبار البقرى
خليط من الطماطم المسبكه أو صلصه
بصل مقطع
شبت+بقدونس+كسبره+فلفل اخضر
أرز مصري غير منقوع
طماطم مقطعه مكعبات صغيره
زيت
شطه+ملح+فلفل+اى توابل تفضليها على خلطه المحشى

(((كيلو نصف ممبار معها حوالي 3 كيلو أرز))

نخلط كل المكونات مع بعضها ونبتدى في حشو الممبار بعد تقطيعه إلى الطول المناااسب

طبعا ده جزء من الممبار

نضعه في الماء المغلي مع إضافة الملح

نتركه حتى ينضج تقريبا ساعة إلا ربع
نطلع الممبار من الحلة ونحطه في مصفى حتى ينشف تماماً من الماء

مهمة الخطوة دي علشان التحمير

نحمر الممبار في زيت ساخن من كل الجوانب حتى يكتسب اللون الذهبي
ونطلعه على ورق مطبخ حتى يمتص الزيت الزااائد
وده شكله النهائي

وده من الداخل احمر وفى نفس الوقت طرى من الطماطم المقطعة والبصل

بإلهنا والشفا

[b style="font-size: 13px;"] [/b]