طريقة عمل الحمام المحشي بالصور
صفحة 1 من اصل 1
طريقة عمل الحمام المحشي بالصور
النهاردة جبتلكم طريقة عمل الحمام المحشي بالصور
المقادير
4 حمامات ( او تبع العدد اللي انتي عاوزاه )
2 بصلة كبيرة ( متقطعة ناعم )
نصف كوب ارز ( بتكوني نقعاه في ماية لمده ساعة مثلا )
ملح وفلفل اسود وبهارات وزيت وورق لاوري ( جيبيها من عند العطار مع البهارات )
و 1 حبة طماطم هنحتاجها
الطريقة
اول حاجة تجهيز الحمام
هتكوني مجهزة الحمام ومنضفاه كويس
هتيجي تكسري القفص الصدري بتاع الحمام هتقوليلي ليه هقولك علشان ( حجم الحمام يبقا كبير وياخد حشوة اكتر )هتلاقي ان الحمام طري كده من عن الصدر واصبح انه مفيهوش عضم
تاني حاجة تحضير الحشوة
هتجيبي طاسة وتحطي فيها زيت وحطي البصل اللي قطعتيه و الارز اللي انتي نقعاه وطبعا بتصفيه من الماية الاول قبل ما تحطيه ع البصل ( طبعا كل ده ع البارد ) وحطي الملح والفلفل والزيت والبهارات وقطعي الحاجات بتاعت الحمام( الكبده والقنصة ) وحطيهم ع المقادير اللي فاتت وحطيهم عالنار وشوحيهم كويس لحد لما ريحة البصل تروح وحطي عليهم ماية وسويهم نص سوا
طبعا الحشوة استوت زي ما اتفقنا
تالت حاجة حشو الحمام
هتجيبي الحمام وهتحشيه بالحشوة اللي جهزناها
بعد ما تحشيه اعمليه زي اللي في الصورة كده علشان ميفكش منك
المقادير
4 حمامات ( او تبع العدد اللي انتي عاوزاه )
2 بصلة كبيرة ( متقطعة ناعم )
نصف كوب ارز ( بتكوني نقعاه في ماية لمده ساعة مثلا )
ملح وفلفل اسود وبهارات وزيت وورق لاوري ( جيبيها من عند العطار مع البهارات )
و 1 حبة طماطم هنحتاجها
الطريقة
اول حاجة تجهيز الحمام
هتكوني مجهزة الحمام ومنضفاه كويس
هتيجي تكسري القفص الصدري بتاع الحمام هتقوليلي ليه هقولك علشان ( حجم الحمام يبقا كبير وياخد حشوة اكتر )هتلاقي ان الحمام طري كده من عن الصدر واصبح انه مفيهوش عضم
تاني حاجة تحضير الحشوة
هتجيبي طاسة وتحطي فيها زيت وحطي البصل اللي قطعتيه و الارز اللي انتي نقعاه وطبعا بتصفيه من الماية الاول قبل ما تحطيه ع البصل ( طبعا كل ده ع البارد ) وحطي الملح والفلفل والزيت والبهارات وقطعي الحاجات بتاعت الحمام( الكبده والقنصة ) وحطيهم ع المقادير اللي فاتت وحطيهم عالنار وشوحيهم كويس لحد لما ريحة البصل تروح وحطي عليهم ماية وسويهم نص سوا
طبعا الحشوة استوت زي ما اتفقنا
تالت حاجة حشو الحمام
هتجيبي الحمام وهتحشيه بالحشوة اللي جهزناها
بعد ما تحشيه اعمليه زي اللي في الصورة كده علشان ميفكش منك
لاحظتي ان حجم الحمام زاد بعد الحشو ( لاننا كسرنا القفص الصدري زي مقولت قبل كده )
او طريقة تانية
ممكن تخيطيه باابرة وخيط زي الصورة كده
اي حاجة اللي تعرفي تعمليه اعمليه علشان اهم حاجة مبفكش منك في الماية
رابع حاجة طبخ الحمام
هتجيبي حلة وتحطي فيها حبة زيت او سمنة اللي تحبيه وحطي بصلاية وشوحيها كويس و حطي ماية وملح وفلفل وورق لاوري لو تعرفيه بيخلي الشربة طعمها جميل اوي ولما المايه تغلي حطي فيها الحمام وسيبيه من ربع ساعة لنصف ساعه ( لحد لما تحسي انه استوي ) مبياخدش سوا كتير ( تبع نوع الحمام )
خامس حاجة تحمير الحمام
هتجيبي صينية او قارب فرن وادهنيه زيت وحطي الحمام بعد ما يستوي وهتجيبي حبة الطماطم اقسميها نصين وادعكي بيها الحمام ( علشان تعطي لون للحمام )
ودخلي الحمام الفرن لحد لما يتحمر
وقدميه مع بطاطس مقليه او زي ما تحبي
ودا شكله بعد ما اتحمر
ع فكرة الطريقة مش منقولة
دي طريقتي في طبخ الحمام
يارب تكون الطريقة عجبتكم
جربوها
نورا خالد- عضو ماسي
- عدد المساهمات : 732
تاريخ التسجيل : 09/06/2012
العمر : 49
مواضيع مماثلة
» طريقة عمل القطايف بالصور
» طريقة عمل بلح الشام بالصور
» طريقة عمل الفراخ بالفريك بالصور
» طريقة عمل الكشري المصري بالصور
» طريقة عمل اللازانيا بالبشاميل بالصور
» طريقة عمل بلح الشام بالصور
» طريقة عمل الفراخ بالفريك بالصور
» طريقة عمل الكشري المصري بالصور
» طريقة عمل اللازانيا بالبشاميل بالصور
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى