مكرونة بالصلصة الحمرا بالصور

**نورا خالد** الجمعة يوليو 26, 2013 11:01 pm

مكرونة بالصلصة الحمرا بالصور

المقــــــــــــــادير :

نص كيلو مكرونة - 4 فصوص توم مفرومين ومعاهم زنجبيل مفروم برضو - 5 طماطم معصورة ومصفاة من القشور - ملح وفلفل ورشة كاري

الطــــــــــــــــــــــــريقة :

- نضع مقلاة على النار وفيها 4 ملاعق زيت

- نضع التوم والزنجبيل في المقلاة ونحركهم "لو مفيش زنجبيل فريش حطي باودر"

- نحركهم على نار هادئة عشان التوم بيحمر بسرعة واحنا عايزينه مصفر بس

- نروح ضايفين الطماطم

ونتركه على نار عالية لحد ما يغلي كويس نروح مهديين النار وسط ونسيبه يستوي

ونروح نسلق المكرونة بتاعتنا بقى :

- نحط اناء على النار ونضع فيه كمية مناسبة من الماء وعليه 3 ملاعق زيت وملعقة ملح

- لما تغلي الماية نضيف المكرونة وطبعا من غير ماتتغسل

ملاحظين الماية مغطية المكرونة ازااااي لازم المكرونة تكون مش باينة بالمنظر دا عشان تستوي براحتها وماتتعجنش وماتتهريش

نسيبها لحد ماتغلي كويس ونروح مهديين النار وسط بحيث تكون بتغلي برضو واحنا مهديين ونحسبلها 6 دقائق بالضبط وبعدين نروح

نختبر استواءها لو لسة نسيبها دقيقة كمان ونشوفها عشان ماتتعجنش وتبقى جميلة وسايبة بعضها عند الغرف ..

- بعد ماستوت نحطها في المصفى في الحوض بس نسمي الله الأول عشان الماية السخنة ونروح قالبينها في المصفاة

- نشطفها بالماء البارد وهي في المصفى زي ماهية عشان نتخلص من النشا الزايد عليها وعشان تتفكك من بعضها

ونروح مرجعينها الحلة تاني ونحط عليها الصلصة بعد ماستوت

- نقلب المكرونة بالصلصة كويس ونضيف عليها ملح وفلفل والكاري كمان ونحط ملعقتين سمن بلدي ونقلبهم كويس

ولو عايزة المكرونة بصلصة أكتر ابقي زودي في الطماطم من الأول ..بس هيه كده مزبوطة أوي لكن الصورة مش مبينة

أصل أنا بصور بكاميرا موبايل x2 مش بالكاميرا الديجيتال عشان تبقى مساحتها صغيرة مش لسة أصغر فيها كفاية تصغير حجمها والبهدلة دي وتنسيق الصور والموضوع حاجة مرهقة

والأكثر ارهاقا هو تصوير كل مرحلة خطوة بخطوة ، أصل محسوبتكم سريعة في المطبخ وتصوير الخطوات بيبطأ شغلي لكن كله يهون في سبيل التقييم

نيجي نشوف طبقنا بعد الغرف :

ولو عايزة زوووووم كمان :

ولو عايزة طريقة الفراخ المشوية اللي مع المكرونة هتلاقوها في موضوعاتي طعمها خطييير أوي وعلى ضمانتي

وأخيرا وليس آخرا :