هذي طرقة عمل الفاهيتا بطريقتي

**نورا خالد** السبت أغسطس 03, 2013 9:35 pm

هذي الفاهيتا بطريقتي

كل من ذاقه داخ على طعمه وأروع ما فيهاطريقه تقديمه على الصاجه بحيث تاكلينها وهي تتطابخ وتعطي الأكل نكهه لذيذه....
هاذي الصاجه هابين فيها المطاعم واللي راعيه مطاعم ع طول راح تعرفها انا أول ما شفته عند مطعم الفخار وعند تشليز
وهذي صاجتي واللي ما عنده مو مشكله هي مجرد تقديم وتحتفظ بالحراره وتعطي نكهه وش بقي بعد

وهذي المقادير:
حبه فلفل بارد احمر واصفر واخضر مقطع اعواد
حبه بصل متوسطه مقطعه اعواد
ورقه ملفوف الأببض (كرومب )مقطع اعواد
شويه زيت عادي او زيت زيتون
صحن صدور دجاج بدون عظم يقطع شرائح طويله رفيعه افضل ساديا
بهارات(ملعقه بهارات مشكله_رشه فلفل اسود مطحون _شويه ملح _نص حبه ماجي_ شويه فلفل احمر بودره)
2م ك صلصه صويا
2م ك كاتشب

لا ننسي نرفع شويه فلفل الوان وملفوف وبصل بصحن ع جنب مثل الصوره لوقت التقديم
مقادير الصوص:>>>>>>>>حق تش تش
نص كاس ماء
ملعقه ك كاتشب
ملعقه كبيره صويا
ملعقه ك نشاء الذره
ملعقه ك خل ابيض

قبل نبتدي نحط الصاجه وهي فارغه ع نار متوسطه الحراره وننساه لوقت التقديم اوكي

الحين نجيب تيفال او صاجه الكودو المعروفه ونكشن البصل بشويه زيت زيتون ونضع الدجاج والبهارات والماجي والملح والصويا والكاتشب ونقلب تقريبا عشر دقائق

وبدون غطاااا بعدين نحط عليه الفلفل الوان والملفوف ونقلب تقريبا عشر دقائق وهو خالص

بعدين نجهز الخلطه حقت التش تش
بعدين يجي دور الصاجهنطفي النار وبتكوون حاميه مررره نحط شويه زيت زيتون وبعدين الفلفل والملفوف والبصل اللي رفعناه بالبدايه >>>لاحظو البخار وتش تش

بعدين نحط الفاهتا وفوقه الصوص كل هذا نسويه وقت التقديم اقصد الأكل بوقت واحد خلك سنعه زيي

وهذي الصوره النهائيه قدمته مع الخبز والسيد حمص والسيد ببسي

وسويت معه مسقعه بالقشطه واحيانا أقدم معه تبوله وحمص وبطاطا مقلي