همشيلك بلاد الله

**يوسف** الأربعاء يناير 04, 2017 5:59 pm

همشيلك بلاد الله
وهحكي لكل خلق الله
عن سيرة هوا عاشق
يسبح في بحر الشوق
رغم انه في البحور سباح
لكن في بحر الشوق
بإرادته غرق فيكي
ومات في ثواني في عنيكي
انا عندي لعنيكي كلام
محدش غيري يقوله
في يوم من الايام
ليكي او لناس تانية
ولو كل الكلام اتقال
عنيكي في غربتي موال
هخلق منه معنى جديد
معنى فاق كل الخيال
انا زادي في هواكي الشوق
وزوادي وانا المعشوق
وانت الشمس مهما تغيب
تاني تنوري الدنيا
وهمشيلك بلاد الله
وهحكي لكل خلق الله
عن سيرة هوا عاشق
يسبح في بحر الشوق
رغم انه في البحور سباح
لكن في بحر الشوق
بإرادته غرق فيكي