الدنـــــــــــــــــــــــــــــــــيا

كمال سليمان الإثنين يونيو 18, 2012 5:19 pm

الدنيا حوالينا عامله زي دولاب هدومك ..

والناس عامله زي الهدوم اللي بتلبسها ..

• فيهم اللي يشدك أوي من بعييد وانت بتشتري ..

واما تجيبه تكتشف أنه ميسواش

• وفيهم اللي تبقي مش مقتنع بيه أوي

واما تشتريه تكتشف أنه كان أنسب حاجه ليك

وانك كسبت كتييير

• وفيهم اللي يبقي حلو أوي بس ميستحملش ..

لبسه واحده ويتقطع

• فيهم اللي مبتحتاجوش كتير "زي الجاكت" ..

متحتاجوش غير في عز بردك ..

بس ساعتها مفيش حاجه غيره هتسد

• وفيهم اللي بيستحملك كتيير

ومهما عملت فيه ومهما بعدت عنه لازم ترجعله

• وفيهم اللي مهما شال منك ومهما عملت فيه

بعد أول غسله بيصفي بسرعه

• وفيهم اللي بيبقي كويس معااك بس بيشيل في قلبه

ولو اتبقع " مره " عمرها ما بتطلع منه أبداً

• فيهم اللي يبقي حلو أوي بس عمرك ما تحس انه لايق عليك

• وفيهم اللي بتاع مناسبات .. انما باقي الاوقات مينفعش معاك

• وفيهم اللي تبقي شايله لوقت عوزه ..

وتبقي متأكد ساعتها انه عمره ما هيتخلي عنك

• ومنهم اللي مهما كان شكله مبترتاحش غير فيه

الدنـــــــــــــــــــــــــــــــــيا 208839_253649618081693_1681111418_n