محتاجه ليك

**نورا خالد** السبت أغسطس 17, 2013 8:54 pm

محتاجه ليك

عشت عمري بحلم الاقي حب عمري
حب اعوض بيه اللي فاتني و يشاركني كل امري
و يوم ما شوفتك ما كانش حب....... دا كان لقا
لقا حب عمري اللي عشته من كام سنه

تفتكر بعد اما شوفتك

يوم ما اقول محتاجه منك هحتاج لايه
محتاجه اعيش عمري اللي فات في بعدي عنك من غير ما حتي تحس بيه
محتاجه قلبي يعرف انك بتعشقه و تخاف عليه
محتاجه اقولك اعترف بحبي و ما تكدبش
مش هاصدق لو قلت انك معرفتنيش
مش هاصدق لو قلتلي ما بحبكيش
محتاجه بيك اقوي ضعفي
مشتاقه بيك يفارقني خوفي
كتير بخاف لو حد غيرك بص لي
ببقي عايزه ايدك بسرعه تضمني
تحميني منهم في حضنك و تقولي اطمني
عايزه احس انك مقدر يعني ايه محتاجه ليك
و محتاجه اكتر اني اطمن عليك
تعرف بيجري ايه لو بس نظره حزن لاقيتها في عينيك
بيبقي هيطير عقلي مني و انا مش عارفه اللي فيك
حاسه انه حقي بس وحدي ان انا اللي اهتم بيك
اني اشيل عنك همومك و لدمعتك ايدي تسبق ايديك
محتاجه ليك عشان حقيقي بخاف عليك
زي خوف الام لو ابنها سابها و غاب عن حضنها......
بيبقي خوفي و قلقي و شوقي ليك

و بعد اللي قلته

لسه تاني هتسيبني اقول
محتاجه ليك ؟

محتاجه ليك Images?q=tbn:ANd9GcTvMxUyiNFLVfrJNkPG3jn6o-9DMK9DoKeykx0aHklyT_wqQnS0