ألحزن حياتى

**نورا خالد** الجمعة أغسطس 10, 2012 11:07 pm

ألحزن حياتى

فى ناس ألحزن مالى حياتها

وناس حزنها مش بيفارقها

حتى وسط صحكاتها

وناس حزنها فى سكاتها

وناس عايشه فى حزنها حتى

لوكان ليها مماتها

مش كل أللى على وشهم مرسومه ضحكة فرحانين

دافى شجونهم ضحكتهم بيها

عيونهم ملياننين

بضحكة بيدارو كل أللى جوا

القلب من أنين

دا فى ناس ورا ضحكاتها حزن سنين وسنين

لما تعيش ويا احزانك

لما تبنى منها احلامك

لما تسكن انت بس ويا اشجانك

لما كل ضحكة منك تطلع بس

عشان تسجن بيها أحزانك

أحساس مؤلم لما تضحك

وعيونك مليانه بالدموع

أحساس مؤلم لما تسكن ويا

احزانك وتملأ قلبك بالوجوع

يااااااه لما تبكى وصوتك

مكتوم مش مسموع

لما تبكى وبسبب دمعتك رأسك

ميبقاش مرفوع

عجبى على دنيا تعيشها وحيد

ويا أحزانك ياانسان

عجبى على دنيا أتولدت فيها

كانك بس عشان تعيش ألأشجان

عجبى على ناس غاوين يعيشوك ويدفنوك ويا ألأحزان

عجبى على وش مرسومة عليه

ضحكة بتقول أنا [ تعبان]

عايش مجروح ألضحكات

ولو بس ضحكت عشان أكتم
صوت الدمعات

ياضحك وضحكتى مليانة

من جواها بكتير أهات

مش عارف أنا عايش ولا مجرد

أنسان بيصارع ألممات

عايش أنا ويا احزانى

ألكل سابنى وهى عمرها

ماصبحت مفارقانى

اصحاب بعدوا عنى وسابونى

ولا حبايب قربوا منى وبعدها

هجرونى

ولا ناس قابلتهم وبردوا تركونى

مفيش غير بس ويايا شجونى

انتى فعلاااااصدق صديقة

وليا عمرك ماهتخونى

محدش يقولى دانت عمرك

علينا ما هتهونى كلكم سبب

دموعى وشجونى

كلكم مشيتوا وبعدتو فى عز احتياجى

فارقتونى

هعيش ويا شجونى

هموت بردوا ويا شجونى