ليه يا قلبى

**نورا خالد** الجمعة سبتمبر 21, 2012 2:15 pm

حن القلب ليه من تانى
ليه يا قلبى
واخدنى للعذاب من تانى
بعد ما قلت خلاص حانساه
لقيتك يا قلبى واخدنى لنار وعذاب من تانى
ليه
يا قلب مش قادر تنسى حبه وتبعد عنه
ليه غاوى تعذبنى وتعذب نفسك
ليه حنيت له تانى
ده ساباك وساب وراه حزن مالوش اخر
عجبك اللى جرالك منه
عجبك اللى عمله فيك وفي
دبحنى ودبحك بغدره وكدبه
قاللى قلبك خلاص مش حابه
انا لقيت القلب اللى ارتاح ليه قلبى
فتحتله بابى ودخلته قلبى
حاكمل معاه مشوارى
حاعيش معاه احلى ايامى
وانت بكره تلاقى قلب تانى
قلب زى قلبك
يحبك ومعاه تلاقى راحة قلبك
اتمنالك تعيشى وتتهنى
لكن بعيد عنى
طريقك غير طريقى
قلبى مخلوق لغيرك
بودعك وانسينى
انا ما بقتش خلاص ليكى
وبعد ده كله يا قلبى راجع تحن ليه من تانى
؟؟؟
ابدا مش حاسيبك تعذب نفسك
ومعاك تعذبنى ومن تانى تجرحنا
ابدا مش حاسلمك تانى ليه
خلاص يا قلبى انا مشيت فى طريق
بعيد
طريقى غير طريقه
قلبى ما كانش ليه
ما اتخلقش ليه
حابتدى عمر تانى من جديد
حنكمل مع بعض الطريق
وننسى الجراح وكل اللى فات من سنين